Gəncə Beynəlxalq Hava Limanının yenidənqurulması - 2004-2006

Gəncə Hava Limanının uçuş-enmə zolağının, perronun, yönəldici yolların və Gəncə-Qazax yolundan hava limanına qədər asfaltbeton yolunun yenidənqurulması işlərinə 2004-cü ilin sentyabr ayında başlanılmışdır.

Uzunluğu 3 300 m olan uçuş-enmə zolağının (208 758 m²), perronun (100 000 m²), yönəldici yolların (76 000 m²), hava limanına giriş yolunun (60 000 m²) vağzalyanı meydanın və perron daxili yolun (9 120 m²) yenidənqurulması məqsədilə 720 000 m³ torpaq işləri görülmüş, 260 000 ton çınqıl-qum qarışığı, 150 000 ton qırmadaş qarışığı, 320 000 ton asfaltbeton qarışığı döşənmişdir, 3 350 pm açıq və 1 006 pm qapalı drenaj işləri aparılmışdır. Müqayisə üçün demək olar ki, Gəncə Hava Limanında döşənilmiş asfaltbeton və qırmadaş qarışığının miqdarı uzunluğu 45km və hərəkət zolaqlarının sayı 4 olan magistral avtomobil yolunun tikilməsinə kifayət edir.

2006-cı ilin oktyabrında hava limanı istismara verilmişdir.