Formula-1 trekindən Serbiya yollarına qədər - Azvirt şirkətinin fərqləndirici asfaltı. Serbiya, RTS reportaj
Xəbər serb dilində: https://www.rts.rs/lat/vesti/ekonomija/5532130/od-staze-formule-1-do-puteva-u-srbiji--prepoznatljiv-asfalt-kompanije-azvirt.html
Serbiya Respublikasının RTS kanalı Azərbaycanda olub və “Azvirt” şirkəti ilə bağlı reportaj hazırlayıb. Bu barədə Serbiya mətbuatında yazılar dərc olunub. Həmin yazının tərcüməsini təqdim edirik:
McLaren komandasının pilotu Oskar Piastri “Azərbaycan Qran Prisi” üçün Formula-1 yarışının qalibi olub. Qədim Bakı şəhəri – İçərişəhər ətrafında altı kilometrə yaxın uzunluğunda olan trek ölkəmizdə yolların tikintisini də həyata keçirən “Azvirt” şirkəti tərəfindən tikilib və təmir olunub. İlin sonuna qədər Şabac-Loznitsa yüksək sürətli yolunun tamamlanaraq nəqliyyatın istifadəsinə veriləcəyini vəd edirlər.
Formula-1 avtomobilləri səkkizinci dəfədir ki, paytaxt Bakının küçələrində “Azərbaycan Qran Prisi” uğrunda yarışır. Şəhərin inkişafına və abadlaşdırılmasına qoyulan sərmayələr Bakının cəlbedici turizm məkanlarından birinə çevrilməsinə kömək etdi.
“Mən hər dəfə bura gələndə təkcə Bakı şəhərində deyil, bütün Azərbaycanda böyük dəyişikliklər görürəm” – “Azvirt Srbija”nın satınalmalar şöbəsinin rəhbəri Elşən Rustemzadə belə deyir.
Elşən 14 il əvvəl Serbiyaya gəlib. O, Miloş Veliki magistralının, Ruma-Şabac magistralının və Şabac-Loznitsa magistralının bir hissəsini tikən şirkətdə işləyir. O, Serbiya haqqında yalnız ən yaxşı sözləri ifadə edir: “İki millət, amma deyə bilərəm ki, biz eyniyik. Sanki Azərbaycan və Serbiya kimin daha çox iş görəcəyini, kimin daha uğurlu olacağını və kimin daha çox inkişaf edəcəyini görmək üçün yarışır” – Elşən bildirib.
Körpülərdən və tunellərdən Formula 1 trekinə qədər
Daha çox kilometr və daha yaxşı yol şəbəkəsi ölkənin inkişafına töhfə verir. Serbiya kimi Azərbaycan da yolların tikintisi ilə iqtisadi tərəqqini sürətləndirdi. Formula 1-in Bakıya gəlməsi sərmayənin niyə qoyulmasını doğrultdu. Trasda sürücülərin təhlükəsizliyi və asfaltın keyfiyyəti “Azvirt” şirkətinin vəzifəsidir.
“Bu, təkcə şirkətimizin deyil, həm də ölkəmizin və mühəndislərimizin uğurudur. “Formula 1” trekindən əlavə Qarabağ bölgəsində böyük yol layihələri, Rusiya sərhədinə qədər avtomobil yolu, yollarda körpülər və tunellər var” - Azvirt Azərbaycan şirkətinin baş direktorunun müavini Kənan Əliyev belə deyir.
Azərbaycan brendi
Şirkətin maliyyə direktoru Elnur Əliyev qeyd edib ki, “Azvirt” Azərbaycan brendidir: “Biz həmişə azərbaycanlı mühəndislərin təcrübəsini göstərməyə çalışmışıq. 1994-cü ildə Bakıda hava limanında ikinci uçuş-enmə zolağının tikilməsi qərara alınanda atam professor Əli Əliyev mütərəqqi ideyalar irəli sürdü və qəbul olundu”, - Elnur Əliyev deyir.
30 ildir ki, özlərinə, biliyinə və təcrübəsinə inandıqlarını deyirlər - şirkətin təsisçisinin keyfiyyətin onların əsas prinsipidir deməsinə əməl edirlər.
“İş bilik, daim təkmilləşmə, yeni ixtiraların tətbiqi və elmi yanaşma tələb edir. Mütərəqqi üsullar və ixtiralar şirkətimizin yaradıcısı prof. Ə.Əliyev timsalında özünü sübut etdi. Çəkdiyimiz yolların uzunömürlülüyü və möhkəmliyi ondan bizə miras qalmış elmi nailiyyətlərdən irəli gəlir” - “Azvirt”in baş direktorunun müavini Kənan Əliyev fikrini belə qeyd edib.
Serbiya-Azərbaycan layihələrinin uğurla həyata keçirilməsi
Tikintidə şirkət mastik və polimer ilə asfalt-beton qarışığından istifadə edir. Bu texnologiya suya, ağır avtomobillərin zərərli təsirlərinə qarşı müqaviməti artırır, yolun ömrünü uzadır. Deyirlər ki, belə yollardan bir çox ölkələrdə, regionda və Serbiyada istifadə olunur.
“Azvirt” Serbiyada heç vaxt özünü qərib kimi hiss etməyib, əməkdaşlığımız yüksək qiymətləndirilir. Hazırda Serbiya-Azərbaycan münasibətləri ən yaxşı səviyyədədir. Layihələrimizin uğurla həyata keçirilməsinin digər səbəbi Azərbaycan və Serb inşaatçılarının asanlıqla ünsiyyət qurmaları və tez dostluq etmələridir. Ona görə də on ildən artıqdır ki, Serbiyada bizi səmimi qarşılayır və hörmət edirlər” – “Azvirt” Şirkərinin baş direktoru K.Əliyev müsahibəsində belə deyib.
Müxbirin son qeydi: “Diplomatik münasibətlərin iyirmi ildən çox əvvəl qurulmasına baxmayaraq, Serbiya ilə Azərbaycan arasında dostluq və iqtisadi əməkdaşlıq son bir neçə ildə yüksələn xətlə inkişaf edir, bunu son beş ildə ticarət mübadiləsinin həcminin 14 dəfə artması sübut edir. Noyabrda Azərbaycandan qaz Serbiyadan keçəcək və “Azvirt” şirkəti ölkəmizdə fəaliyyət göstərdiyi vaxtdan 130 kilometrdən çox yeni yollar çəkib”.